Aizawl Hunthar vengah lei tawlh

0
278
views

Aizawl Hunthar venga lei tawlh \hin chu tukin khan a tawlh nawn leh a, a thlanga NH 54 kawngpui chu lirthei engchi mah kaltlang theih lovin a hnawh a, lei tawlhna vela awm chhungkaw 17 te hmun him lamah an insawn chhuak bawk.

A hmuna kal kan Corr. sawi danin lei tawlh hian DM&R in tuiluan kawr an siam leh a thlanga lei tawlh zel tur venna checkdam a siam chu a tih chhiat vek avangin a thlanga NH 54 chu lei tawlh hian a hnawh vek a, lei tawlh hian Car pakhat a hnawl chu lakchhuah a ni tawh a, tuitaiput a tam avangin lei hi tlem tlemin a tawlh reng a, a chung lama concrete in pahnih chu tlu mai thei dinhmuna an din avangin, a luahtute an inthiar chhuak a ni.

Hunthar Local Council Chairman Pu Lalhmangaiha Renthlei hnen a\anga ZONET thudawn danin lei tawlh hian thlang lamah Pu Lalchhandama te in bang a ti chhia a, an lirthei zawrh lai Car 2 a chhilh bawk a, inluahtute bungrua pawh a chhe nual a, leitawlh na hnaia cheng chhungkaw 17 te chu an inthiar chhuak a, \henawm leh chhungkhat laina te an bel hlawm a ni.

PWD hotute hnen atanga ZONET thudawn danin leiminin a hnawh NH 54 hi zaninah lirthei kaltlang theiha thenfai hman an tum a, lirthei kal vel thunun turin Traffice Police te pawh Lungverh pengah duty an in dah nghal a ni.

Puan tawh \hin angin kum 2016 August thla khan he lai lei hi a tawlh \an a, zual lam apan zel avangin chhungkaw engemawzatin an in an rahsan tawh a, in \hahnem tak \hiah a lo ni tawh bawk.