Chief Secretary’s Conference Room-ah Cabinet Meeting neih a ni

0
573
views

Chief Minister, Pu Lal Thanhawla kaihhruaiin vawiin chawhnu khan Chief Secretary’s Conference Room-ah Cabinet Meeting neih a ni a, hei hi tun thla ni 4-a Cabinet Meeting neiha thil pawimawh ngaihtuah tura chhawpchhuah 57 zinga la zawh hman loh 31 awmte ngaihtuah chhunzawm a ni a, an thutlukna siam hriat theih a la ni rih lo.

Puan tawh angin Cabinet meeting neih hmasak khan Central Pay Commission 7-na rawtna siam anga Mizoram sorkar hnathawkte hlawh pek \an ve hun atan kum 2016 January ni 1 ruat a ni a, amaherawhchu, sorkar hnathawkten tangkafaia an hlawh an lak \an hun atan kumin September ni 1 ruat a ni. An thu ngaihtuah zingah hian Mizoram Institute of Medical Education & Research Falkawna thawk tur Staff Nurse 70 lakbelh rawtna leh District Re-organization Committee rawtna siam pawh a tel a ni. Cabinet \hukhawm minute hi Chief Minister-in a pawmpui hnua Chief Secretary-in a hming a ziah hnan hnuah chauh mipui hriata puanzar theih a ni dawn a ni.