Aizawl ITI venga in pakhat lungrem chimin delh

0
474
views

Tukin khawvar hma, dar 2 vela ruah sur avang khan Aizawl ITI venga Pu Lalrinpuia In, Pu Ruatliana-te chhungkaw luah lai kawmchhak lungrem chu a chim a, lungrem chim hian Pu Lalrinpuia In hi a delh na a, vanneihthlak takin thi leh hliam an awm lo. ITI khawtlang hruaitute hnen atanga ZONET thu dawn danin, lungrem chim hian Pu Ruatliana te pindan lam bang a tichhia a, in chhungah lung leh chirh a lut a, vanduaina thlen hma hian Pu Ruatliana te nupa hi ruahsur thawmah an harh a, lungrem a chim lai hian an fate erawh chu an la muhil a, insaseng hman lo mah se, vanneihthlak takin an him a ni. Lungrem chim hian bang leh tuizem dahna a tihchhiat bakah Pu Ruatliana te kawmchhak te septic tank pawh a tichhia a ni. Tukin khan ITI Local Council huaihawtin hnatlang neih nghal a ni a, Pu Ruatliana te in chhunga chirh lut leh bungraw seng hawi ngaite pawh chin fel a ni.