Sairang-ah vai pakhatin hmeichhia pawngsual

0
4074
views

Sairang ram chhunga ram riaka inhlawhfa, nau thla 7 mi pai chu a pasal awm loh hlanin vai pakhatin a pawngsual nia sawi a ni a, pawngsualtua puh hi Hajrat Ali, kum 45 mi, Assam-a Kamrup District mi, Abuj Uddin-a fapa nia insawi a ni a, amah hi GOP Camp-a awm, electric tower siam hnathawka inhlawhfa thin a ni. He hmeichhia a pawngsual hnu hian Hajrat Ali hi ramhnuaiah a tlanbo nghal a, Police-ten nasa taka an zawn laiin, nizan dar 10 vel khan a awmna GOP Camp-ah a haw leh a, hetah hian man a ni ta a, Aizawlah rawn hruai a ni. Police hotute hnen atanga thu dawn danin, he pawngsual thubuai hi Aizawl Police Station-a Women Cell-ah pek a ni a, pawngsual thubuai ziak lutin a finfiah theihna tura thil pawimawhte pawh vawiin khan buaipui nghal a ni. He hmeichhe pawngsual chungchangah hian Aizawla Bru Students Union chuan vai pakhatin Bru nu, nau pai lehnghal a pawngsual hi an dem thu leh a phu tawka hrem ngei tura thuneitute an phut thu, thuchhuah siamin an sawi a, Police-ten rang taka pawi khawihtu an man avangin Bru Women Federation of Mizoram leh Bru Students Association chuan lawmthu an sawi a ni.