Tuirial Airfield rama din Solid Waste Management Centre (SWMC) hi vawiin khan Mizoram Journalists’ Association member-ten an tlawh a. AMC hotute, SIPMIU aiawhte leh he hmuna bawlhhlawh paihte thliar leh sawngbawl hna thawktu contractor lam aiawhten hmalak tawh chin leh hmachhawp te an lo hrilhfiah a ni.
Contractor-te hian he hmun satu leh ruahmantu SIPMIU enpuina in bawlhhlawh paihte hi thliarhrangin \awih thei lo, hralh suma chang thei leh thei lo te an thliar bakah \awih theih chite chu lei\ha siamna atan hman a ni a, \awih thei lo, hralh suma chang thei lo chi te chu a paihna hmun tur bik lei laihkhuarah paih tur a ni.
AMC mayor Pu Lalhmingthanga chuan \awih thei leh thei lo, plastic leh e-waste te mipuiten anmahni chenna in atanga thliar sa veka paih tawh tura a nih avangin veng \henkhat chu a enchhinna atan hman a ni tih a sawi a. |awih thei leh thei lo hi veng tinin an duh ni ah an paih thei a, plastic lam chi erawh kartin Thawhlehni apiangin a hranga funin paih tur a ni a, Thla thar Thawhlehni hmasa berah zel e-waste lam chi hi fun hranga paih tel theih a ni dawn tih a sawi.
Mayor hian \awih thei paihna tur lirtheiah tawih thei lo a tel a nih chuan, a hmuna lo dawngsawngtu contractor-te hian paih remti loin an tir let zel dawn tih a sawi a. Tuirial-a bawlhhlawh paihna hmun hlui zawk chu khar a nih hunah ruahmanna siam zawm \ha lote tan chuan bawlhlawh paihna tur hmun a awm tawh dawn lo a, fel taka thliar ngei a \ul tawh dawn tih a sawi.
