Eklavya Model Residential School hi Sorkar laipui sum cheng vbc 24/- senga sak tur a ni a, mi harsa zawkten zirna \ha an dawn theihna tura duan a ni.
Siaha bawrhsap Pu Bhupesh Chaudhary kaihhruai-a Noaotlah Community Hall-a inkhawm buatsaihah Dr K.Beichhua hian Siaha District-ah EMRS 2 a awm dawn ta a, pakhat zawk chu Tipa khuaah sak zawh \ep a ni tawh tih a sawi a. Zirna chu khawvel hmun danga hnam fing leh thiam zawkte el phakna awmchhun a nih avangin sorkarin a ngawi pawimawh a ni a ti.
Dr. K. Beichhua hian AH&Vety, Fishery and Sericulture Dept hnuaiah SEDP hnuaia \anpuina sem theih tura peihfel \ep a ni tih a sawi a, district tinah a dawng tur thlangchhuaktu tur, DC kaihhruaina hnuaiah Selection Board din tawh a ni, a ti.
EMRS hi India rama hnam hnufual zawk leh dinhmun chhe zawk naupangten, zirna \ha an dawn theihna tura a thlawn veka zirna pekna school a ni a. Noaotlah khuaa EMRS school-ah hian zirlai mipa naupang 240 leh hmeichhe naupang 240, an vaiin 480 an awm thei dawn a ni.
