Aizawl khawpui chhung hmun 5-ah Bank Account leh Aadhar Card thlun zawm runpui neih a ni

0
312
views

State Bank of India, Lead Bank Office ruahman angin vawiin atang khan Aizawl khawpui chhung hmun 5-ah Bank Account leh Aadhar Card thlun zawm runpui neih a ni a, naktukah chhunzawm a ni ang. Bank hrang hrangte chu hmun nga – Bawngkawn YMA Hall, Chanmari-a Rural Development Department Conference Hall, Treasury Square-a Transport Department Conference Hall, Khatla YMA Office leh Mission Veng YMA Hall-ahte mipui dawr theih turin an inpho chhuak a, Bank Account leh Aadhar Card la thlun zawm lote tan Aadhar Card Original leh Photo Copy pakhat kengin thlun zawmtir theih a ni. Bank hotute chuan Bank Account leh Aadhar Card thlun zawm lote chuan kumin Decmeber ni 31 atangin an Bank Account an khawih chet theih tawh dawn loh avangin he hriattirna hi mipuiten ngai pawimawh se an duh thu an sawi.