Vawiin khan Mizoram University Student’s Council chuan Vice Chancellor nghet neih phutin MZU-a thawkte pisa kai tur an dang leh a. MZU Registrar chuan naktuk atangin MZU zirtirtu leh thawktu dangte chu dan pangngaia pisa kai turin a hriattir a ni. Puan tawh angin, MZUSC hian nimin atang khan Vice Chancellor nghet neih phutin MZU-a thawkte pisa kai tur hi an dang a, vawiinah pawh khan hnathawk thei lovin an awm leh a ni. Vawiin khan MZU Acting Vice Chancellor, Prof. Lianzela hovin MZU officer-te an thu khawm a, an thuchhuak angin Registrar, Pu C. Zothankhuma chuan naktuk atangin MZU zirtirtu leh thawktu dangte chu dan pangngaia pisa kai vek turin a hriattir a ni. Zonet zawhna chhangin MZUSC hruaitute chuan, MZU-in Vice Chancellor nghet a ngeih hma chuan, MZU-a thawkte pisa kai tur hi an dan chhunzawm zel tur thu an sawi nawn leh a, an thil tum dodal an awm chuan na taka do let an tum thu an sawi bawk.
