Aizawl Smart City Ltd hi Planning Secretary Dr C Vanlalramsanga’n vawiin khan Aizawlah a hawng a, hawnna inkhawm, Aizawl Smart City Limited Chief Executive Officer Pu Lalrothanga kaihhruaiah hian Planning Secretary Dr C Vanlalramsanga chuan, kawng hrang hranga Aizawl khawpui tih hmasawn turah khawpui a cheng mipuite ham\hatna tam thei ang ber siam tum a ni a ti a, Smart City chu kum 2015-2020 chhunga thawh tur a nih avangin muang chang lova chak taka hmalak a \ul a, a kaihhnawih Dept zawng zawngin thawh hona \ha tak neia \anlak a \ul a ni a ti.
Sorkar laipuiin State hrang hrang khawpui tihchangtlunna turin Smart city hmalakna hi kum 2015 khan a kalpui \an a, India rama khawpui dang \henkhat zingah Aizawl khawpui pawh thlan zingah a tel a ni. Smart City mission hmang hian tui thianghlim mipui ten hnianghnara an hmuh theihna tur te, \ha zawka eng an hmuh theih na tur te, tuichhe paihna mumal a awm theihna tur te, lirthei chevel mumal zawka enkawl tur te leh leh mipui mamawh chi hrang hrang lirthei dahna hmun, sumdawnna hmun leh bawhhlawh senghawi kawngah te, hriselna kawngah te hmalak mek a ni a, he project atan hian cheng vbc 2,053.01 ruahman a ni.
Smart City a hlawhtlin theih na atana hmala tu tur Chief Secretary kaihhruai State Level High Powered Committee din a lo ni tawh a, hemi hnuaiah hian UD&PA Secretary kaihhruaina hnuaiah Aizawl Smart City Limited Board of Directors hi din leh a ni.
Aizawl Smart City ltd hawnnaah hian Aizawl Mayor Pu PC Lalhmingthanga leh mipawimawh dangte an tel a ni.
