An mi man, David Vanhmunliana, Diltlang khua hian kum 2017 a\ang tawhin Birth Certificate, matric certificate leh driving license lem te a siam tawh \hin niin police te chuan an sawi a, Court-a hruai anih hnuah District Jail-ah dahluh nghal a ni. Lawngtlai Police-ten Lawngtlaia Zonet Reporter Lalchharliana an hrilh dan chuan, David Vanhmunliana hian kum 2017 a\ang khan heng Document lemte hi a siam \an tawh a, Police hmaa a sawi dan chuan Birth Certificate hi 13 siam tawhin, High School Certificate hi 2 a siam tawh a, siam tawh sa la a la pek chhuah loh engemawzat a lo la kawl bawk a ni. David Vanhmunliana hian Aizawl leh khawpui dang bakah Kolkata-ah te pawh thawhpui a nei nia hriat a ni.
