Hemi chungchang hi Parking House Support Scheme Committee Chairman, Chief Minister, Pu Zoramthanga hova vawiina CM Cabinet room-a \hukhawmnaah tarlan a ni a. He Scheme hnuaiah hian \anpuina diltu \hahnem tak a lut tawh a, chung zinga mi 46 dilna chu pawm tawh niin, hetah hian lirthei 1036 dah theih a ni dawn a ni. He \hutkhawmna kaihruaitu Chief Minister, Pu Zoramthanga chuan, Parking House chu a In neitute tan sum lakluhna hlawk tak a ni dawn tih a sawi a, parking house siamtute chu Sorkarin an in a neih sak dawn tihna a ni lova, vantlang tana \angkai siam tura sorkar puihnaa hmalak dunna a nih thu a sawi. Pu Zoramthanga chuan, Parking House chu mimal In dinglai emaw hmun ruak remchang, parking house sakna tur atana hman theih an neih chuan vantlang motor park na hmun atan sorkarah an dil theih thu a sawi a, lirthei hun man chu inneitu ten an hui vek dawn a, a tlem berah parking house pakhatah LMV panga emaw lirthei ke 2 nei chi 30 tal a leng tura a ni tih sawiin, hetiang hmun remchang neite chu sorkar a\angin lirthei pakhat (LMV) ah emaw 2-wheeler paruk zelah emaw tanpuina cheng nuai 1 pek an ni dawn tih a sawi.
He \hutkhawmnaah hian Chief Secretary, Pu Lalnunmawia Chuaungo, Aizawl Mayor, Pu P.C. Lalhmingthanga, DGP, Pu Balaji Srivastava, Finance secretary, Pu Vanlalchhuanga, Planning Secretary, Dr. C. Vanlalramsanga leh mipawimawh dangte an tel a ni.
