Congress councillor te hian Local Council chu Municipality hnuaia awm, AMC ta a nih bakah state sorkar hnuaia direct-a awm a nih ve loh laiin, Village Council erawh chu Local Administration Dept hnuaia awm a ni tih an sawi a, local council te chu AMC in an lawmman a pek an nih laiin Village Council te erawh Local Administration Dept in a pek an ni thung a, Local Council siam belh leh paih chungchang pawh AMC hna anih laiin VC erawh chu LAD kut a ni an ti a. Heng te avang hian Local Council leh VC inthlan chu a rual lova, a kara hunawl tlem awm-a buatsaih turin State Election Commission chu an ngen a ni.
An ngenna hi AMC Congress Councillor Group hruaitu Pu Zosiamngheta hovin, Dy Leader Pi M Zohmingthangi, Secretary Pu H Vanlalruata leh member dang Pi K Lalhmingliani, Pi Zodingpuii leh Nula Zonunsangi Fanai ten vawiin khan State Election Commissioner Pu Laima Chozah hnenah ziakin an thehlut a ni.
