Vawiina Aizawl Press Club-a thuthar thehdarhtute a kawmnaah Pu PC Lalhmingthanga chuan, plastic pan chi, micron 50 chin hnuailam hralh leh hman khap tur chu mipuite tana \ha tur leh environment chhe zel tur venna tur a nih thu a sawi a, AMC in a khap ti ringawt lova mahni tan a ni tih hre chunga zawm \heuh turin mipuite a sawm a ni.
Pu PC Lalhmingthanga hian plastic lam chi an khap tur chu vawi khat hman a paih nghal chi polythene, plastic bottle, no, thleng leh fian te a ni dawn tih a sawi a, a bikin khawchhak lam a\anga rawn kal polythene te chu micron 50 hnuai lam vek an nih avangin khap zingah a tel tih a sawi.
Pu PC Lalhmingthanga chuan, Aizawl khawpuiah chhungkaw 67,594 an awm tih a sawi a, nitin bawlhhlawh matric ton 160 vel AMC in a khawnkhawm \hin tih a sawi a, heng bawlhhlawh zingah hian plastic lam chi a tam hle a, AMC in a zirchinanna a\angin Aizawl khawpui chhungah plastic lam chi nitin quintal 4 vel paih ziah ang a ni tih a sawi a, plastic bawlhhlawhte chu nungcha leh leilung bakah mihring tana nghawng \ha lo nasa tak thlen thei a ni a ti.
Pu PC Lalhmingthanga chuan, Plastic lam chi hman leh zawrh khap an tum chungchangah Sorkar chu Plastic lam chi Aizawla lut tur danpui tura an ngen thu a sawi a, sarang lam chi zingah \awihthei tura duan te chu hmang uar turin mipuite an beisei tih a sawi a, bazar nan-a ipte ah uar thar leh tur leh turin mipuite a ngen bawk.
Zawhna chhangin Pu PC Lalhmingthanga chuan, Plastic khap a nih huna vilzuitu tur casual worker mi 50 vel lak an ni tih a sawi a, heng mite hian naktip a\angin dawr hrang hrangah kalin khap chin te an hrilhfiah dawn tih a sawi.
AMC Commissioner Dr H Lalthlangliana pawhin plastic an khap tur zinga micron 50 tling lo chin te chanchinbumite a hrilhfiah a, polythene hman tlanglawn ho chu micron 50 tling lo a ni deuh vek tih a sawi.
