Aizawl North Block MNF thalai chuan, veng pahniha mihring kea kalna siam mek chu covid 19 in Mizoram ala tih buai hma a work order tih chhuah a ni an ti a, parking leh mihring kea kalna siam chungchangah UD&PA leh AMC chu tha taka thawkho reng an ni a, a hranpaa AMC hriattir kher a tul lo a ni an ti.
Dr. Vanlalthlana’n ke-a kalna siam turah AMC hriattir an ni lo tia a sawi chu thil a hriat chian tawk loh vang a ni an ti a, he hna thawh a nih avanga kawngpui chep phah nia a sawi chungchangah, kawngpui a chep aavng zawkin mihring himna turin ke kalna tur chu siam chu a tul hle zawk a ni an ti. Aizawl North Block MNF thalai chuan, mipui tana tha tur sorkarin a siam sawi sel chunga MLA fund hmanga duhsak zawng hna thawhtirah Dr Vanlalthlana chu an puh a, MLA fund chu Khawi lai step emaw rawng hnawih ran leh cheibawl nan mai mai hmang lovin hmasawnna ruhrel pawimawh thawh nan hmang zawk turin an phut tih an sawi.
