Pu Temjen Imma Iong ten Falkawn Community Hall-a vantlang inkhawmah thu an sawi. Pu Alexander Hek chuan mi \henkhatin sakhaw rawngkaia BJP an beih avangin Meghalaya politics-ah boruak duhawm lo a thleng niin a sawi a, Congress party-ah hunrei tak a lo awm tawh thu te, Congress-in sakhaw zalenna danglam taka a hmanna a hmuh chuan loh thu te a sawi a, Meghalaya-ah BJP-in bu a khuar hnuah RSS emaw, Hindutva duhtu pawlte chet hluarna a awm chuang lova, Khasi leh Garo Hills-ah Kristian a\anga Hindu-a inlet an awm phah lo niin a sawi a ni. Nagaland Minister, Pu Tanjem Imma Iong pawhin Mizo leh Naga te chu unau an ni tih sawiin mikhuala inngai lovin an campaing niin a sawi a, Nagaland-ah hunrei tak Congress-in ro a rel hnuah hmasawnna a awm thei lova, tuna NDPP leh BJP \angkawpin sorkar an siam hnuah sorkar laipui duhsakna avangin nasa takin hma an sawn thei niin a sawi a ni.
