Hnatlangah hian Aizawl East I-a ZMP candidate, ZPM Chief Minister candidate ni bawk Pu Lalduhoma pawh a tel a, hnatlang \an hmaa inkhawm tawi neihah Pu Lalduhoma chuan, ZPM sorkar thar hnuaiah chuan hmasawnna hnathawh reng reng Environment tichhe lo thei ang bera thawh \hin a ni dawn niin a sawi a ni.
Chawnpui ZPM \halai Chairman, Pu Ronald Zohmangaiha chuan, Hnimtheilo lui chu Aizawl tui lakna hnar pawimawh a nih avangin enkawl loh leh thenfai loha a awm \hin chu an vei avangin hnatlangin an thianfai ta tih a sawi a. ZPM chu danglamna duh kalkhawm an nih angin helai lui hi a lo danglam a, thianghlim zawka a awm theih nan hma an la ta niin a sawi. Chawnpui veng ZPM Local Steering Committee Chairman, Pu Lalbuanga Sailo pawhin, ZPM \halaiten hetianga mipui vantlang tana \hatna tur ruahmanna an siam chu \ha an tih thu sawiin, tun hnu zelah pawh helai lui hi thianghlim takin awm chhunzawm zel se an duh hle tih a sawi a ni. ZPM \halaite hian Hnimtheilo lui leh Tuikual lui infinna chhehvel an thianfai a ni.
