Aizawl SP Pu C Lalzahngoa’n tunhnaia Cement Company 3 hotute nen an inbiak hnuah an rate cheng 15 a an lo tih san tawh chu cheng 7 ah an ti hniam tih a sawi

0
357
views

Vawiin khan chanchinbumite kawmin Pu C Lalzahngoa chuan, tunthla ni 12 khan MSU in Cement company te nen an inremna bawhchhiain rate an rawn ti sang nia sawiin hma lak sak turin complain an thehlut tih a sawi a, hemi bawhzui hian zirtawpni ni khan Cement company 3 Star cement, Topcem leh Dalmia hotute leh Mizoram company aiawh te nen an \hukhawm tih a sawi a, atuk Inrinni ah Star Cement hotute nen \hukhawm zui lehin hun engemawchen an sawiho hnuah an rate cheng 15 a an lo tih san tawh chu cheng 7 ah an tihniam tih a sawi

Hemichuangchanga ZONET zawhna chhangin Mizoram Cement & Iron Rod Dealer Association Secretary Pu Henry Lalbiakzinga chuan, Cement company ten rate an tih sanna cheng 7 ni ta chu an duh ang nih chiah loh mahse an pawm tak thu a sawiin rate thar ang hian Star Cement cheng 460 a an zawrh thin chu cheng 470, Dalmia cheng 480 ni \hin chu 490 leh Topcem cheng 440 chu 450 a zawrh a nih tur thu a sawi.

MSU President Pu RB Lalmalsawma chuan Cement rate tih san dan hi an pawl Executive Committee in a ngaihtuah tur thu ZONET a hrilh bawk.