An pawl thuchhuah tarlan danin mi 3- Maneiha Bochung, Mahmuna Chalthleng leh RL Chhanhima intite chuan nimin khan Whatsapp Group hrang hrangah “Hmar ho mi ina awm turin Aizawlah an rawn fuan \euh maia, thil ruk an hrat bakah dawt sawi an hrat khawp mai,” tiin Hmar hnam hmusit zawngin thudik lo an thehdarh nia sawiin, hei hi HSA chuan a ngai thiam lo hle tih an sawi a. Hetiang chi inthliarna leh Zofate inpumkhatna tichhe thei zawnga thu thehdarhtu te hi zawng chhuak tur leh an phutawk hremna pe ngei turin thuneitute chu an ngen a ni. HSA chuan, Zofate inpumkhatna tura MZP, MSU leh hnampual zirlai pawl dangte nen theih tawp an chhuah mek laia hetianga hnam anga inhmusitna leh inthliar hranna hawi zawnga thu thehdar a ni chu mak an tih thu leh an dem thu sawiin, tun hnuah hetiang thil hi thleng tawh lo se a duh tih an sawi a, Social Media-a thu dik lo vawrh dar a nih avang hian Communal Violence a thleng thei tih hriaa mi tinte fimkhur turin HSA chuan a ngen bawk.
