Aizawl-Thenzawl-Lunglei World Bank kawng lei minin hnawh ping

0
462
views

Aizawl-Thenzawl-Lunglei World Bank kawng chu nizan ruahsur avang khan Haulawng bulah leh Ramlaitui khaw chhungah lei min lian takin a hnawh ping a, kawng enkawltu PWD hotute sawi danin, Haulawng bula lei min hi lirthei kal theihin tukin khan then fai nghal a ni a, Ramlaitui khaw chhunga mi erawh chu a len deuh avangin vawiin tlai dar 3:30 vel khan siam tlang leh a ni. He kawng a\anga peng, Haulawng a\anga Dawn kalna kawng pawh Zotui bulah lei minin a hnawhping a, he kawng ping hi lirthei chi tin kal theiha siam tlang leh turin beih zui mek a ni. Lunglei-Buarpui kawng chu Kawlhawk bul leh Serte bulah lei minin a hnawh ping bawk a, hengte hi thian fai tura hnathawh zui a ni a, vawiin tlai thleng khan an la siam tlang hman lo a ni.