Pu Ronald Sapa Tlau-a’n PM hnenah lehkha thawn, MZU-ah Vice Chancellor nghet dah thuai turin ngen

0
323
views

Rajya Sabha Member, Pu Ronald Sapa Tlau pawhin Zirtawpni khan PM, Pu Narendra Modi chu lehkha thawnin, Mizoram University-a Vice Chancellor nghet dah thuai turin a ngen a. Mizoram University Students’ Council-in Nilaini kal ta a\anga Vice Chancellor nghet neih phuta lungawi lohna an lantir avanga harsatna thlen dan pawh a hrilh nia hriat a ni. Pu Ronald Sapa Tlau chuan, Mizoram University-in kum 2 dawn lai Vice Chancellor nghet a neih tawh loh avanga harsatna a tawh thu leh, hemi chungchang hi nikuma Parliament thlasik \hutkhawma a sawi pawhin, Union Human Resources Development Minister, Pu Prakash Javadrekar chuan en zui a lo tiam tawh nia sawiin, hetiang bawk hian Mizoram University-a zirtirtute pawhin Larsap, Lt. General Nirbhay Sharma kal tlangin Vice Chancellor nghet neih an phut thu hi Prime Minister Office-ah ziakin an lo thlen tawh a. CM, Pu Lal Thanhawla pawhin PM hnenah a lo thlen tawh bawk nia sawiin, heti chunga tun thlenga bawhzuina a la awm lo chu \ha lo a tih thu, PM chu a hrilh a, Mizoram University-a zirlaite leh thawktuten harsatna nasa zawk an tawh loh nan Vice Chancellor nghet dah thuai turin a ngen a ni.

Pachhunga University College Students’ Union chuan Mizoram University Students’ Council-in Vice Chancellor nghet neih phut a lungawi lohna an lantir mek chu an thlawp thu an sawi a. Pachhunga University College chu Constituent College a nih angin, MZU nen inzawm tlat a nih thu leh MZU-in Vice Chancellor nghet a nei lo hian hmasawnna tur tam tak a tikhawtlai tih sawiin, hna ruak hnawh khah leh thawktute kaisanna tur tam tak a dan avangin MZU Vice Chancellor nghet ruat thuai tura sorkar laipui an phut thu an sawi a, MZU Students’ Council thiltih hi an thlawp tih lantir nana vawiin a\ang khan an College-a thawktute leh zirlaite an dang a ni. Puan tawh angin Mizoram University Students’ Council chuan, Vice Chancellor nghet neih phutin Nilaini kal ta a\ang khan Mizoram University-a zirtirtu leh thawktu dangte pisa kai tur an dang a. Vawiinah pawh khan an dang chhunzawm leh a, MZU-in Vice Chancellor nghet a neih hma chuan, dan chhunzawm zel an tum thu leh, an thil tih dodal tum an awm a nih chuan na taka do let an tum thu an sawi a ni.