Aizawl-Thenzawl-Lunglei World Bank kawng Mualthuam field hnuaia leiminin a hnawhpin chu vawiin chawhnu dar 1:45 vel khan motor lian kal theiha siam tlang a ni

0
268
views

Aizawl-Thenzawl-Lunglei World Bank kawng Mual\huam field hnuaia leiminin a hnawhpin chu vawiin chawhnu dar 1:45 vel khan motor lian kal theiha siam tlang a ni a, motor lian rit phur chhim leh hmar lama tangkhang 150 velte chu an kalna tur lamah chhuah tir an ni. Mual\huam khaw field hnuai min kawngpui hnawhping \hin tu hi ruah tam deuha a sur apiangin a tawlh leh \hin a, hei hian a khat tawkin kawng a hnawhping a, PWD mi JCB nena duty te chuan a \ul hun apiangah kawngping siam tlang hna an thawk \hin a ni. Hetihlai hian he kawng zawmpui World Bank kawng hi Ramlaitui khaw chhungah leiminin vawiin khan a hnawhping leh a, PWD hotute chuan he kawngping hi reiloteah lirthei kal theihin an siam leh dawn niin an sawi a ni. Hetihlai hian Lunglei-Kawlhawk-Buarpui kawng Kawlhawk khaw bula ping chu nimin khan lirthei kal theiha siam tlang a ni leh tawh bawk a ni.

Hetihlai hian National Highway 54 Serchhip khaw chhunga Tuikhuah Venga tlahniam chuan lirthei rit phur tan harsatna a siam \an a, a tlak hniam zel chuan motor lian rit phur tan kal a harsa thei dawn niin PWD hotute chuan an sawi a, Sailiamkawn bula kawng chhuat bal, siam \hat leh tak laiah pawh lungphah hna thawh chhunzawm zel a ni a, amaherawhchu, kawng chhuata tui chhuak vangin lung phah hi motorin a chilin a pil zel a, amaherawhchu, vawiin thlengin he kawngah hian lirthei a tlan tlang thei a ni.