All Mizoram Cement & Iron Rod Dealers Association in tunhnaia Mizoram chauha an rate tisangtu Cement company pathum, Dalmia, Star cement leh Topcem te Godown chu nimin khan an kalhsak tih an sawi

0
1064
views

All Mizoram Cement & Iron Rod Dealers Association in tunhnaia Mizoram chauha an rate tisangtu Cement company pathum, Dalmia, Star cement leh Topcem te Godown chu nimin khan an kalhsak tih an sawi.

Vawiin khan Aizawl Press Club-ah Press mite kawmin an pawl Vice President Pi Lalrinthari chuan, June ni 27 khan Cement Company 2 Dalmia leh Star ten sawi lawk pawh awm lovin bag khatah cheng 15 in a man an rawn ti sang niin a sawi a, company dang pawhin an hriat veleh an zawm ve nghal nia sawiin heng Cement company te tun thla ni 3 ral hmaa an rate ti hniam leh vek tura an ngenna chu a hlawhtlin loh avangin an Dalmia, Star cement leh Topcem te chu an Godown an kalhsak ta tih a sawi.

Pi Lalrinthari chuan, company ten rate an tihto chhan an an zirchiannaah an hralh tlem vang a an hloh hmuh let leh an tumna nia an hriat thu a sawi a, Assam, Meghalaya leh Tripura-ah te ti to ve si lova Mizoram chauha an ti to chu an hriatthiam loh thu a sawi a, heng company te hian an rate an tih hniam hma chuan zawrh sak an tum lo tih a sawi a, hemi avang hian Mizoramah Cement avan phah dawn lo nia sawiin company engemawzat chu rate panngai a lei tur a awm reng dawn niin a sawi bawk.

Zawhna chhangin All Mizoram Cement & Iron Rod Dealers Association hotute chuan, MSU te leh Company te inremna an siamah an tel ve loh thu an sawi a, a tlawma mipuite lei theihna tur anih chuan an thlawp thu an sawi.