Aizawl-Thenzawl-Lunglei World Bank kawng Mualthuam khaw hnuaia leiminin a hnawhpin sial tlang a ni

0
216
views

Aizawl-Thenzawl-Lunglei World Bank kawng Mual\huam khaw hnuaia leimin nasa takin Inrinnia a hnawhpin chu nimin tlai dar 4 khan sial tlang a ni a, lirthei tangkhang zawng zawng chhuah tir an ni. Kawng enkawltu PWD hotute hnen a\anga thudawn danin nizanah lei amin nawn leh avangin vawiin khan sial tlang nawn leh a ni, ruah a sur chuan helai hmunah hian englai pawha kawng ping thei reng a ni a, a bul vela khawl leh hnathawktute dahin vil reng a ni. Hetihlai hian Lunglei khawpuiah chuan tuialhthei permit hmanga pek chhuah chu tihtawp a ni a, hei hi tuialhthei hmuh a tam leh tak vang a ni.

Lunglei-Buarpui kawng, Kawlhawk leh Buarpui inkara ping pawh motor te chi kal theiha siam tlang a ni leh tawh. Kawng enkawltu PWD hotute chuan he kawng hi siam tlang reng turin \an an la zel niin an sawi.

Tuithiang Veng leh Bethlehem Veng inri-na laia leimin vanga kawng ping chu siam\hat a nih hnuah vawiin chawhnu a\ang khan lirthei chitin kal theiha hawn a ni. He kawng chhak lamah hian lei nasa taka tawlh avang leh mihring chenna in \henkhat a chhiat tel avangin he kawng hi May ni 11 a\anga kharin a siam\hat hna PWD Aizawl Road South Division chuan a thawk a, kawng chhak lama leimin leh mai thei tur awma langah te chuan lei tawlh vengtu tur lei chhawr dawh siam a ni a, hei hian leimin tur a veng thei dawna ngaih a ni a, hetah hian lei tinghet turin thing phun tum a ni.