ZPM thupuangtu, Pu Vanlalhlana’n thuneihna semzai chu \angrual pawl thupui pakhat a nih thu a sawi a, thuneihna an chang a nih chuan District Headquarters dilna awm mek ngaihtuah a nih tur thu a sawi. Vawiina ZPM Pisa-a party chhung inkhawmah Pu Vanlalhlana chuan, hmarchhak biala State hrang hrangte dinhmun ngaihtuahin Mizoram chu a zau zawng ngaihtuaha District nei tlem pawl a ni tih a sawi a, thiltih theih reng tih loh ni \hin chu harsatna thlentu a nih avangin District Headquarters diltute dilna chu ngun taka ngaihtuah sak a nih tur thu a sawi. Pu Vanlalhlana chuan, \angrual pawl chu duh leh duh loh thuhmun nei intelkhawm an ni tih sawiin, MNF president, Pu Zorama leh MPCC President, Pu Lal Thanhawla kaihhruaina hnuaia awm ringawt lova a taka hnathawh an duh tawh niin an sawi a, hei anmahni an huat vang ni lovin Mizoram tana an tihtheih chin a chian tawh avangin \angrual lo thei lovin an siam ta niin a sawi. He inkhawm hi ZPM puipate zinga mi Pu C. Laitanga’n a kaihhruai a ni.
