Vawiina Aizawl Press Club-a thuthar lakhawmtute an kawmnaah Aizawl Thunder chuan, North East Riders Meet an thlen turah hian ram chhung leh pawn a\angin mi 2000 vel an rawn tel beisei a nih thu sawiin, heng zingah hian Mizoram la kal ngai lo leh chinchang hre lo engemawzat an awm palh thei a, Mizoram an awm chhungin thil tih dik tawk lo emaw tihsual palh emaw an nei thei a. Hetihrual hian mipuiten an mahni an lo dawnsawn dan chu Mizoram hmel lanna tur a nih avangin tlin lohna an lo nei a nih pawhin mipuiten hrethiam a, buaina siam zawnga awm lo turin an ngen a ni. Chalfilh tlanga North East Riders Meet vawi 11-na neih turah hian Bike intlansiak an huaihawt dawn bakah Mizo hnam lam leh zai chi hrang hrang entir a ni dawn a. Khanpui leh East Phailengah Charity Ride buatsaih a ni dawn bawk.
