Aizawl khawpuiah traffic jam a awm lohna tura inzirtir beihpui thlakna chikhat atan vawiin khan Aizawl Traffic Jam Free Rally buatsaih a ni a, Mizoram Enfield Riders ten Aizawl khawpui chhung an fangkual.
Rally kharna inkhawmah Aizawl Traffic Jam Free Rally Working Group Committee Chairman, Home Addl Secretary nibawk Pu Lalbiakzama chuan lirthei khalhtuten dan an zawm \hat chuan traffic jam hi a ziaawm thei a ni a ti. Aizawl Traffic Dy.SP Pu K.Laltluangliana chuan mahni motor \heuh ken chhuah aiin public transport hman tam hian traffic jam a ti zia thei a ni, a ti a. Aizawl khawpuia traffic jam nasat chhan ber chu motor tam lutuk hi a ni a, motor hmang tam lova ke-a kal tam kan inzirtir a ngai a ni, a ti. AMC Councillor Pu R. Lalbiakthanga, Transport Director Pu R. Remmawia, I&PR Director Pu David L Thangliana leh Transport Department Jt.Director Pu R.Lalrammawia te pawhin thu an sawi a ni. Aizawlah hian lirthei nuai 1 sing 4 chuang a awm a, sorkar chuan traffic jam ti ziaawm tura hma lain motor neitu ten an motor dahna tur garage an nei vek tur a ni tih thupek siam a ni a, hemi atana hun tiam chu nikum November khan a tawp tawh a ni.
