Mizoram Tipper Owner’s Association leh Drivers Association ten nizan khan Mizoram pawn lam mite tipper 18 Mizorama lut tur chu Kolasib Tui\ha Vengah lo dangin an let tir.
Heng tipper te hi Police ten an ven bakah a neituten anmahni car-in an rawn zui a, hemi chungchanga thudawn danin Lailapur lama an let thlak leh hnu hian Forum for Protection of Non Mizos invuahte chuan Lailapur-ah sumdawng motor an dang zui ve a ni. Kolasib Tui\ha Venga hnam dang tipper lo dangtute hi Aizawl a\anga chhuk thla leh Kolasib-a Tipper Association hruaitute an ni a, hemi chungchangah hian an General Hqrs. President, Pu C. Lalzarmawia chuan Kolasib District Transport Officer-in dan bawhchhia-in hnamdang, Mizoram pawn lampang mite motor Kolasib-ah a register avanga an tuarna thleng ta niin a sawi a, Kolasib Branch President, Pu F. Lalbiakliana pawhin hnam dang Tipper dan lova Mizoram register te thlamuang taka Mizoram rawn hruai thleng tura Escort order petu hian dan a bawhchhia niin a sawi a ni. Tipper an dan, Bagha lama an let tir leh hi 18 nia sawi a ni a, Mizoram Tipper Association hruaitute chuan Kolasib DTO Office-a hnamdang tipper ziahluh tawh zawng zawng chu 21 vel nia sawiin, hrechiang turin RTI hmangin an zawt mek niin a sawi a ni. Nizana tipper dan te hi Bagha leh Lailapur a\anga Mizorama phurh luh tur balu leh brick phur an ni.
He thil thleng chungchangah hian Kolasib Bawrhsap, Dr. Arun T. chuan vawiin khan SP, Magistrate, DTO, Tipper Association hruaitute leh tlawmngai pawl hruaitute kohin a office-ah meeting a neihpui a, he meeting-ah hian Bawrhsap chuan hemi chungchangah hian tun thla ni 10-ah Vairengte SDO Civil Office-ah Cachar Bawrhsap, SP leh mi pawimawh dangte nen meeting neih a ni dawn tih a tarlang a, he meeting neih huna a thil sawipui tur leh an ngaihpawimawhte thehlut turin Mizoram Tipper Owner’s Association leh Driver’s Association te bakah tlawmngai pawl hruaitute a ngen a, he meeting an neih hma chu thil awmdan a pangngaia kal theih nan lirthei dan emaw lungawilohna lantir emaw ti lo turin Tipper Owner’s Association leh Driver’s te a ngen a ni. Hetihlai hian Tipper Association President, Pu C. Lalzarmawia chuan an lungawilohna lantirin hmalak chhunzawm zel an tum tih a sawi ve thung a ni.
