Venghnuai Presbyterian Kohhran hian an kum 100 tlinna hi kumin June ni 2 a\tang khan an lawm \ana, Programme hrang hrang buatsaihin Centenary lawmna hi an kalpui zel a, November ni 3 a\ang khan centenary lawmna pual hian zan tin hun hman \hin a ni a, a lawmna hi naktuk, Pathianni zanah khar a ni ang.
Venghnuai Presbyterian Kohhran-in Centenary an lawmna hi nimin khan Synod Moderator, Rev. R. Lalhmingthanga’n a hmanpui a. He inkhawm hi Centenary Organising Chairman, Upa Prof. Lianzela’n a kaihruai a, Venghnuai biala pastor leh pro pastor lo ni tawh leh Venghnuai kohhran a\anga Pastor-a \angte hnenah thilpek hlan a ni. inkhawm banah Biak In kawtah Centenary hriatrengna lungphun chu Upa CL. Dawngliana’n a hawng a, hemi hnu hian Centenary Cake an zai a; tlaiah Centenary lenkhawmpui neih niin, ruai an kil ho bawk.
Venghnuai kohhranah hian chhungkaw 338 an lawi mek a, dan zawh kim 1088 awmin, kohhran upa 8, pem upa 1 leh tual upa 2 an awm mek a ni.
