Aizawl West II Area ‘B’ MUP in vawiin khan Tuikual North YMA Hall-ah Area Conference an hmang. A hmanpuitu Bialtu MLA Pu Lalruatkima chuan, Mizo ten Tar a tih tawngkam an hmang thin chu tha lo a tih thu leh paihbo a duh thu a sawi a, kum upa zingah chhawrtlak tawh loh ang hiala inngai thin an awm chu tha lo a tih thu te, an tawnhriat te chu thangthar zawk te kaihhruaitu pawimawh tak a nih zawk thu a sawi. Pu Lalruatkima chuan, YMA, MHIP leh MUP-te chu Mizo hnam lungphum pawimawh tak an ni a, an tel lovin Mizo hnam a kal thei lo tih sawiin chawisan zel a tul tih a sawi a, MUP member te chu an thupui anga mite tana malsawmna ni zel turin a chah a ni.
Inkhawm hi Area President Pu C Lalhuala’n a kaihruai a, an member thi te sunna an neih bakah tlaiah chawhlui an kilho a ni. Aizawl West II ‘B’ Area ah hian MUP Unit 4 leh member 1267 an awm a ni.
