Aizawl West III Area MUP Conference vawi 9-na chu Khatla South YMA Hall-ah vawiin khan hman a ni. A hmanpuitu Social Welfare Minister Pu PC Lalthanliana chuan, Upa pawlte chu vanglai hun leh thatlai huna veng leh khawtlang tana mi tangkai thinte awmkhawmna a nih thu a sawi a, thangthar te zirtir an ngaihna leh kaihhruai an ngaihna laiah theihtawp chhuaha fuih thin turin a sawm a ni. Pu PC Lalthanliana chuan Mizo mipuite chu a tha lai insawisak aia a chhe lai uar thin an ni fo tih a sawi a, ramin hma a sawn theih nan chhungril lama insiamthat a tul a ni a ti. Aizawl West III ah hian MUP Unit 7 an awm a, inkhawm hi Aizawl West III Area Senior Adviser Pu Lalhuapzauva’n a kaihruai a, an member thi mi 52 sunna hun an hman bakah Chawhnu lamah rorel leh intihhlimna hun an hmang a ni.
