Court thlen kher ngai lova thubuai chinfelna National Lok Adalat chu vawiin khan Aizawlah neih a ni a, thubuai 760 ngaihtuah a ni. Lok Adalat hi New Secretariat Complex-a Mizoram State Legal Services Authority-ah chawhma dar 10:30 khan Gauhati High Court Judge, Justice Michael Zothankhuma’n a hawng a, hetianga awlsam zawka thubuai ngaihtuahna hi State dangah pawh \angkai taka hman a nih thu sawiin, Court-a rei tak tak thubuai inchiah tur chu hun rei lote chhunga chinfel a nih bakah thubuai nei ten inrem taka an thubuai an chinfel nan a \angkai hle tih a sawi. Mizoram State Legal Services Authority hotute hnen a\anga thudawn danin, Lok Adalat-ah hian thubuai ngaihtuah tura chhawpchhuah 760 a awm a, chung zinga 400 chu BSNL-a Phone hman man Bill ba \hinna a ni a, Bank Loan rul \ha lo thubuai 280 awmin, a bak 80 chu in hmun lo ram inchuh thubuai te, mimal pawisa inp<k thubuai leh chhungkaw ro inchuh thubuai leh thubuai dangte a ni a. Thubuai ngaihtuahnaah hian Company leh Bank lam chuan an hnena leiba neite chu zaa 50 vel zel ngaidamin, an pawisa chawi tur hi an pe tla nghal a nih chuan thubuai hi an tihtawp sak nghal zel a ni. Mizoram State Legal Services Authority-a Member Secretary, Pu Vanlalenmawia chuan, Lok Adalat hi thla khat danah neih \hin tur a nih thu sawiin, thawktu indaih lohna avangin tihhlawhtlin ziah a harsa niin a sawi a. Lok Adalat chu mipui Court a nih angin, hun rei tak thubuai inchiah tawhte awlsam zawka chinfel theih a nih avangin thubuai neitu tan a \angkai hle tih a sawi.
