Chakma Autonomous District Council inthlanna atana hman, Electronic Voting Machine-te chu zanin hian hmuh kim theih a nih beisei a ni

0
523
views

Chakma Autonomous District Council inthlanna atana hman, Electronic Voting Machine-te chu zanin hian hmuh kim theih a nih beisei a ni. Election buaipuitu sorkar Officer-te hnen a\anga thu dawn danin vawiin chhawhnu dar 2 thleng khan Polling Station awm zawng zawng, 66 a\angin EVM 57 hmuha, Strong Room-a dahluh fel tawh a ni a, a bak, EVM 9-te chu kawngah an la thang mek a, nimina \um 3 ruah nasa tak taka a sur avangin motor kawng a nal a, inthlanna atana an lirthei hmante kawngah a tangkhanga, a buaipui tura motor tirhte pawh an kal \hat theih loh avangin EVM te hi an la hmu kim thei lo a ni. EVM dahna Strong Room, SDO Civil Office-a siam chu CRPF ten chhun zan zawma an ven bakah Mizoram Armed Police ten an ven thuah a ni. Polling Station 9-a vote tla report hmuh kim a la nih loh avangin he inthlannaa vote tla hi hriatchian theih a la ni lova, za zela 80 chuang a tlin theih beisei a ni. Vote tlak \hatna ber, Barapansuri-I-ah chuan vote tla hi za zela 95.40 a tling phak a ni. He inthlannaa Returning Officer, Pu Chakhai, Assistant Returning Officer 2, Pi Ethel Rothangpuii leh SDO Civil, Pu S. Kaptluanga te chuan Chawngte-ah chamin he inthlanna hi an \hut chilh a, tun thla ni 24, karleh Thawhlehnia vote chhiar thlengin an awm dawn a ni.