All Mizoram Farmers’ Union leh Jaipur-a Sunflag Agrotech Company-in inremna thu thlung

0
633
views

All Mizoram Farmers’ Union leh Jaipur-a Sunflag Agrotech Company-in vawiin khan Lungleia Convention Centre-ah Mizorama kut hnathawktute, cytronella leh lemon grass thar chhuah leisakna atan inremna thu an thlung a, hemi puala inkhawm buatsaihah hian CM, Pu Lal Thanhawla chuan Mizoram chu ram hmul leh hnim chi hrang hrang, damdawia hman theih tam tak awmna a ni tih mi thiamten an lo hmu chhuak tawh niin a sawi a, Thenzawl Ayush Hospital-ah Research Centre din tumin sorkar laipuiah dilna thlen tawh niin a sawi bawk. Pu Lal Thanhawla chuan tun hma lam khan company thenkhatin Mizorama thlai chin kawngah leh a lei kawngah inremna siam ni tawh thin mah se, thar chhuah a tam tawk thin loh avangin company tan bawhzui chhunzawm a harsa thin niin a sawi a, kut hnathawktute chu thar chhuah tam tum turin a fuih a ni. North East Institute of Science & Technology-a Director, Dr. Pinaki Sengupta pawhin Mizoramah Aroma and Phyto-Pharmaceutical Mission a hlawhtlin theih a beisei thu sawiin, AMFU nena an thawhhona chu beiseina sang tak nen an thlir niin a sawi a ni. He inkhawmah hian Sunflag Agrotech Director, Pu Rajrish Awasthi pawhin Aromatic Mission hnuaia Lemongrass & Citronela thar chhuah chu a leina tur rate dik takin a chingtute an leisak dawn niin a sawi a ni.