AMC in Multi Level Parking leh Bazar sakna tur lung phum

0
739
views

Tuikual South-a Apex Bank Head Office bula AMC in Multi Level Parking leh Bazar sakna tur lung chu tukin khan Aizawl Mayor Pu PC Lalhmingthanga’n a phum. Pu PC Lalhmingthanga chuan Aizawl khawpui tawt tihziaawm nan AMC in nasa takin hma a la tih a sawi a, Bawngkawnah khualzin phur Sumo dinna tur siam zawh tawh a nih thu leh City Bus dahna hmun tur pawh buaipui mek a nih thu a sawi. Mayor chuan AMC in Property Tax a khawn chhuah a\anga zaa 80 chu mipui leh Aizawl khawpui tih hmasawn nan hman a nih thu a sawi a, sorkar kum liam ta 2017-18 chhungin Property Tax cheng nuai 260 vel khawn chhuah a nih thu a sawi bawk.

Multi Level Parking leh Bazar inkawp hi AMC in sorkar laipui a\anga performance grant leh AMRUT a\anga sum hmuh Rs. 5,46,62,000 hmangin sak a ni dawn a, Mission Venga Pu Biakliana First Class Contractor-in a sa dawn a, kum khat chhunga zawh tura ruahman a ni. Inkhawm hi AMC Commissioner Dr H.Lalthlangliana’n a kaihruai a, Councillor, AMC-a thawktute leh Tuikual South Local Council hotute an tel a ni.