Zirlai pawl pathum ten Excursion, Scholarship leh Stipend atana sum dah tura sorkar ngen tumte leh police in nawr buai

0
320
views

Zirlai pawl pathum ten Excursion, Scholarship leh Stipend atana sum dah tura sorkar an ngen chungchangah vawiin khan Finance Minister, Pu Lalsawta a Pisa-ah hmuh an tum a, Secretariat Main Gate-a Police duty ten luh an phal loh avangin Gate-ah an innawr buai. Zirlai pawl pathum, Mizo Students’ Union, Aizawl City College Joint Students’ Union leh Hnampual zirlai pawl te hian Excursion neihna tur sum te, Scholarship leh Stipend pekna tur sum te tun thla ni 10 ral hmaa ruahman turin sorkar an ph<t a, an thil ph<t hi vawiin chawhma thleng khan tih hlawhtlin a nih loh avangin Finance Minister hi a Pisa-ah hmuh an tum a ni. An thil phut hi tihlawhtlingin Mizoram sorkar chuan vawiin chawhnu khan Excursion leh thildanga hman turin Rs.40,00,000/- a ruahman a, he sum sanction order hi a tichhuak nghal nia thudawn a ni. He sum hi College hrang hrang te mamawh dan a zira tihpun theih a ni dawn a ni. Hei hi kum 1970 hnu lama Excursion, Scholarship leh Stipend atana sum ruahman tihpunna hmasa ber nia thudawn a ni bawk.