Anti Narcotics Squad-in Zuangtui leh Lily vengah heroin man

0
361
views

Excise & Narcotics Department-a Anti Narcotics Squad-in vawiin khan Zuangtui-ah ruihhlo, Heroin gram 37 leh a neitu-a puh, Lalchungnunga, kum 27, Haikhawl, Myanmar, tuna Zuangtui chhim venga cheng nia inchhal an man a, nimin chawhnu khan Lily vengah heroin gram 31 leh a neitu-a puh mi pahnih – Lalthanpari, kum 46, Chanmari West leh Lalhmachhuani, kum 28, Chaltlang Lily veng nia inchhal an man bawk. An mi mante hi dan ding lai hmangin thubuai an siamsak a ni. Aizawl District-a Excise & Narcotics hnathawkte pawhin vawiin khan Phunchawng leh Rangvamualah dan lova zu zuar leh zu sak dap runpui an nei a, zu sakna hmun engemawzat an tihchhiat bakah rakzu liter 290 leh zu bilh lai, tin 1,070 an tihchhiat bakah zu siamna hmanrua an man a ni.