ARDSI, Mizoram Chapter-in Memory Walk an buatsaih

0
517
views

Tukin khan World Alzheimer’s Day pualin, Alzheimer and Related Disorders Society of India (ARDSI), Mizoram Chapter-in Memory Walk an buatsaih a, Chanmari kawn a\anga Millennium Centre thleng, mi 500 chuangin kawng an zawh. Millennium Centre kawta inkhawm tawi buatsaih chu ARDSI Mizoram Chapter President, Pu Vanneihtluanga’n a kaihruai a. Health Minister, Pu Lal Thanzara’n hmanpuiin, Alzheimer natna chungchang hi mi \hahnemngai leh mi thiamte zarah hriat a lo ni \an ta tih sawiin, a veituten ngaihsak leh duat an hlawh phah a beisei thu a sawi a, he natna hi upa lamin an vei deuh ber avangin, a veite chunga hmangaihna lan chhuahtirna hun atana hman a \ul thu a sawi bawk. Alzheimer natna hi Mizoramah chuan thluak sáwng natna ti-a hriat \hin a ni a, ARDSI Mizoram Chapter hi kum 2015 September ni 21 khan din a ni. He pawl hian Aizawl leh a chhehvel hi Zone hrang hrangah \henin, MUP-te nen he natna veite chhinchhiahin an tlawh chhuak \hin a ni. Tukina programme an buatsaihah hian an member boral tawhte an sun bakah Memory Walk-a tel naupang ber, kum 3 mi leh a upa ber, kum 85 mi chu Health Minister hian lawmman a pe a ni.