Hawnna inkhawma thusawiin Pu B. Lalchhanzova chuan tun hmalam khan MNF leh Congress thlantlina sorkar siam tir an lo ni ve ve tawh a, an thiam leh theih tawk mipuiten an hre tawh a, tunah chuan ZPM thlantlin a hun tawh niin a sawi a, rorelna \ha hnuaiah chuan mipuite an zalenin an huaisen tur niin a sawi. Pu B. Lalchhanzova chuan nimina Aizawl tlawha lo zin, Prime Minister, Pu Narendra Modi hnenah Joint Action Committee hmalakna-in Assam leh Mizoram inri-naa ramri buai chungchanga Mizote ngaihdan ziak thlen niin a sawi a, hei hi nakin hnua Mizote dinna hriatna tur thil \angkai tak a ni dawn niin a sawi. He ZPM Campaign Office hawnna inkhawma hunserh hmangtu Armed South MPF Local Forum Treasurer, Pu VL Rosiama chuan he inthlanna neih turah hian Pathian leh Kohhran duhdana vote thlak turin mipuite a sawm a ni.
