Kawngzawh hi Zofate insuihkhawm pawl tia invuahte bultuma neih a ni a, Khatla YMA runah intawhkhawmna nei hmasain hemi hnu hian Aizawl Zarkawt lam panin kawng an zawh zui a ni.
September ni 7 zana insual buaina thleng leh a hnu zela thil thleng zui nia sawi chu Social Media lamah nasa takin a darh a, hemi chungchanga Zonet zawhna chhangin Police hotute chuan FIR an dawn angin a tawn tawnin thubuai ziahluh a ni an ti a, FIR lut hmasa zawk chu September ni 28 khan ziah luh anih thu leh kutthlaktua puhte chu October ni 24 ah man an nih thu an sawi a, anticipatory bail an lak avangin bail-in an chhuak leh nghal a ni. Hetihlai hian mawi lo taka a mipat pui khawiha puh Zodinliana Sailo-in Counter FIR a thehluh chu october ni 10 khan ziah luh ve tho a ni a, chargsheet thehluh a la ni lo a, thil thlen dan hi a tawn tawnin an la chhui mek niin Police hotute chuan an sawi.
