Art & Culture Auditorium, Berawtlang-ah nungcha, thing leh mau leh ramhmul hausakna venhim leh humhalh chungchang zirho a ni

0
301
views

International Day for Biological Diversity 2018 pualin vawiin khan Art & Culture Auditorium, Berawtlang-ah nungcha, thing leh mau leh ramhmul hausakna venhim leh humhalh chungchang zirho a ni.

International Day for Biological Diversity hi kumtin May ni 22-a hman turin United Nations chuan a rel a. Kum tin thupui thlan bik neia hman \hin a ni a, kumin, a kum 25-na pualin thupuiah ‘Celebrating 25 years of Action for Biodiversity’ tih hman a ni. He hun hmanpuitu Chief Minister Pu Lal Thanhawla chuan biodiversity humhalh kawngah Mizote chu \hangharh tlai deuh tunhnaiah hmasawnna nasa tak hmuh tur a awm a, silai aia camera hmanga sava leh nungchate veh mipuiten an ching ta chu hmasawnna a ni a ti.

Chief Minister hian Mizoram State Biodiversity Board leh Catalyst Solutions, Chaltlang te buatsaih Operational Tour Trip leh Operational Guidelines for BMC te a tlangzarh a, MZU Department of Forestry Prof. Lalnundanga’n Floral diversity, Management & Conservation tih thupui hmangin zirtirna a pe a, Mizoram State Biodiversity Board Technisal Asst. Dr. Lalneihpuia Chhakchhuak chuan kumin thupui 25 Years of Action on Biodiversity chungchang a zirtir bawk.