ZPM-in Chief Minister Candidate atana a puan, Pu Lalduhoma’n an pawl siamtu, party 6 intelkhawm chu party dang pakhatin a belh leh thuai dawn niin a sawi

0
612
views

ZPM-in Chief Minister Candidate atana a puan, Pu Lalduhoma’n an pawl siamtu, party 6 intelkhawm chu party dang pakhatin a belh leh thuai dawn niin a sawi. Vawiina Champhai Press Club-a thuthar thehdarhtute a kawmnaah Pu Lalduhoma chuan kumin kum tawp lama Mizoram sorkar siam thar tura inthlanna neih turah ZPM sorkar siam tura thlan tlin a nih chuan 14th Finance Commission-in kum 2020 thlenga ram sum hman tur a ruahman chu Mizoramah chuan hmun kilkhawr ber thleng phaka hmasawnna hna thawh nan hman a ni dawn niin a sawi a, hmasawnna tur atana ruahmanna siam chu block level a\anga a hniam ber thingtlang khaw tin thleng phaka siam a ni dawn niin a sawi a ni. Pu Lalduhoma chuan an thil ngaihpawimawh tur chu kuthnathawktute thar chhuah man man zawka an hralh theihna tur ruahman te, vantlang hriselna ti \ha tura hmalak te, chenna in nei lo ten in an neih theihna tur te, tui, chaw, eng, inkalpawhna leh zirna tih \hat te niin a sawi a ni. He Press Conference-ah hian ZPM thupuangtu Pu Vanlalhlana chuan an candidate tur zingah Pastor telh an tum thu te, sawhthing kg khat Rs.50/- leh hmunphiah ro kg khat Rs.100/- zela kuthnathawktute leisak an tum thu a sawi a, sorkarin zu zawrh permit a pek chhuah chu tihtawp tum a ni dawn niin a sawi bawk. He Press Conference-ah hian ZPM Secretary General, Pu K. Sapdanga chuan ram leh hnam vei si lova, ram hruaitu nih ringawt ngaia neihna rilru hi ram leh hnam tan thil \ha lo niin a sawi a ni.