Assembly Budget Session ah NLUP Implementing Board Chairman in Congress MLA te hnenah chauh NLUP pek tur chhungkaw 400 \heuh thlang tura DO Letter a thawn chungchang eptu pawl member ten na takin an sawisel

0
748
views

Vawiin Assembly Budget Session ah NLUP Implementing Board Chairman in Congress MLA te hnenah chauh NLUP pek tur chhungkaw 400 \heuh thlang tura DO Letter a thawn chungchang chu eptu pawl member ten na takin an sawisel.

Eptu aiawha thusawitu Pu K Sang\huama, Dr. K Beichhua, Pu Lalruatkima leh Opposition Group Leader Pu Vanlalzawma te chuan hetianga rorellai pawl MLA te hnenah chauh NLUP dawng tur thlang tura hriattir an ni hi kalphung dik lo a ni an ti a, Dr. K Beichhua chuan NLUP sum chu mipui sum a ni a, Congress Party fund a ni lo a, Sorkar thil tih dan chu Democracy rahbehna a ni a ti a, Pu Lalruatkima pawhin eptu member te chu mipui thlan vek an nih avangin a tuipui ve lo te tih \awngkam Agriculture Minister in a hmang chu \awngkam dengkhawng tak House Record-a awm tlak lo a ni a ti a, Opposition Group Leader Pu Vanlalzawma pawhin hei hi na takin a sawisel bawk a, Pu Vanlalzawma thusawi lai hian Finance Minister Pu Lalsawta chu lo dingin, NLUP Implementing Board in lehkha a thawn chu rorellai MLA ten an dawng ngei tih an hriat chin anih thu sawiin, Eptu MLA ten an dawng ve lo tih erawh an hriatpui lo tih a sawi.