International Day of Forests pualin CM-in khawpui leh a chhehvela thing leh ramngawte humhalh turin mipuite a sawm

0
418
views

Vawiin hi khawvel pumah ramngaw humhalhna ni, International Day of Forests a ni a, he ni pual hian Environment, Forests & Climate Change changtu Chief Minister Pu Lal Thanhawla’n mipuite hnena thuchah ti chhuakin, khawpui leh a chhehvela thing leh ramngawte humhalh turin mipuite a sawm.

Chief Minister chuan kumin International Day of Forests thupui chu ‘Forest and sustainable cities’ a ni tih sawiin, mihringte dam khaw chhuahna atan ramngawte an pawimawh avangin humhalh a \ul tih a sawi a, khawpui leh a chhehvela thing leh ramngaw la awm ang angte chu humhalha a remchang lai apiangah ramngaw siam belh turin Zoram mipuite a sawm a, khawpui chhunga thing leh hnim hringte hian khawpui boruak a vawng thianghlim a, khaw lum lutuk tur a veng bawk a ni a ti. Chief Minister chuan ramngaw te duat thiam loh avangin Mizoramah ngaw a kiam zel a, ram dang chauha thleng tura ngaih, ram ngaw chereuin a nghawng – tuihna tlem leh kangchat te, ruahtui tlak dan mumal lo te, khawlum chak lutuk te leh buh leh bal thar hlawk thei lo te pawh Mizoramin a tawng chho ta mek a ni a ti a, ramngaw humhalh leh siambelh kawngah sawrkar, pawlho leh mimal tinte \anrual a \ul a ni a ti.