Pu Lal Thanhawla chuan sorkar laipui Act East Policy chu ASEAN ramte nena inkungkaihna tih \hatna tur te, hmarchhak state te sum leh pai dinhmun siam\hatna tur a ni tih sawiin, ram leilung hausakna \angkai zawka hman a \ul niin a sawi a, ASEAN ramte nena tui leh khawmuala inkawlpawhna \ha tak neih a \ul thu te a sawi a, Kaladan Multi Modal Transir Transport Project chu tluang taka kalpui a nih thu leh hetah hian Mizoram sorkar chuan a tih tur chinah za zela 76 a zawhfel tawh thu te, Zokhawthara Land Customs Station thuam \hat kawngah sorkar laipuiin chak zawka hma a lak a \ul thu te a sawi a ni. Kumina ASEAN ram meeting, New Delhi Dialogue tia hriatah hian thupui atan, India tihchaka ASEAN ramte inkara tuipui hmanga thawhhona \ha zawk siam tih hman a ni.
