Naupang kum tling lo khawih chingpena puh Lalramchhana, Aizawl Hlimen Damveng mi chu Court-in thiam loh a chantir a, kum 6 chhung lung in tang turin a hrem

0
317
views

Sorkar Ukil, Addl. Public Prosecutor, Pu H. Lalmuankima hnen a\anga Zonet thudawn danin, Lalramchhana hian kum 2017 May ni 21 khan hmeichhe naupang kum 10 mi chu mipat hmeichhiatna hmanpuiah sawmin, a serh a khawih sak a. He thil thleng chungchangah hian hmeichhe naupang nu chu May ni 27-ah Police Station-ah FIR a thehlut a, Lalramchhana hi Police-ten manin Protection of Children From Sexual Offences (POCSO) Act. hnuaiah pawngsual thubuai an siam sak a. A thubuai ngaihtuahtu Aizawl Judicial District-a POCSO Act. Sprecial Judge, Pu Joel Joseph Denga chuan pawi khawihtua puh chu thiam loh chantirin kum 6 chhung lungin tang tur leh cheng sing 2 chawi turin a ti a. A pawisa chawi tur hi a pek theih loh chuan thla 6 dang a tan belh dawn a ni.