August ni khat a\anga plastic pan chi hman khapna dan kenkawh tura inbuatsaihna chikhat atan Aizawl Municipal Corporation huaihawtin Zirtawpni khian Aizawl khawpui veng hrang hrangah plastic bawlhhlawh thenfai hnatlangpui neih a ni dawn.

Aizawl Mayor Pu PC Lalhmingthanga’n ruahmanna an siam dan hi vawiinah chanchinbumite a hrilhfiah a, August ni 1 a\anga plastic pan chi, 50 micron aia pan, polythene bag ang chi khap \an turah inbuatsaihna chikhat atan hnatlangpui hi koh a ni tih a sawi a, hnatlang hi veng hrnag hrang Local Council te kaihhruainaa neih tur a nih bakah Sorkar department leh zirna In-ah te pawh hnatlang tura beisei an ni a, sorkarah pawh phalna lak a nih thu a sawi.

Pu PC Lalhmingthanga chuan, AMC huam chhunga Plastic pan chi hman khap an tum chungchangah kum 2016-17 khan plastic bag leh Thermoplastic lam an lo zirchian tawh thu a sawi a, hemi kuma Krismas leh kumthar ruai\heh nan hmang lo tura Kohhran leh pawl hrang hrang an ngennain zawm a hlawh hle tih sawiin plastic thlakna tur thil dang a\anga siam phochhuahna exhibition pawh an lo buatsaih tawh thu a sawi.

Pu PC Lalhmingthanga chuan, August ni 1 a\anga plastic pan chi hman khap turah hian hma latu tur Committee pawh an din tih a sawi a, August leh September thla chu mipuite inbuatsaihna atan hman a ni dawn a, October ni 2 a\ang chuan khap bur a ni tawh dawn tih leh hemi a\ang hi chuan ngaihhnathiamna a awm tawh dawn lo tih a sawi a, Dan hman tur pawh Board Of Councillor in a pass fel tawh a, sorkar pawmpui turin a thlen tawh tih a sawi.

Zawhna chhangin Pu PC Lalhmingthanga chuan, Dan bawhchhia khap chin plastic pan chi zuar leh hmang man te chu na taka hrem theih an ni dawn tih sawiin tuna SIPMIU in bawlhlawh sawngbawlna hmun an siam pawh hman theiha peih \ep a nih tawh thu a sawi. Pu PC Lalhmingthanga chuan, Hnatlangpui an neih ni a plastic an lakkhawm te dah lailawkna tura Zemabawk a Riangvaite thlanmual bula an siam Zemabawk khawtlangin an duh loh chungchang chu dah an remtih loh chuan tuna an hman mek bawlhlawh an dahkhawmnaah an dah rih mai tur anih thu a sawi. Plastic Free City Committee Chairman Pu Lalhmingmawia Councillor chuan, tun dinhmunah plastic chhah zawng tehna chu la nei lo mahse, chah mek a ni tih a sawi a, plastic \henkhat chu khawchhak lam a\anga lakluh nia an hriat thu a sawi bawk.