Khawbung Higher Secondary School-in an dinchampha kum 15 na Tin Jubilee vawiina an lawmna inkhawm hmanpuiin School Education Minister hian ram hmasawnna tluantling nei turin zirna a pawimawh a, sumdawnna leh eizawnna kawng hrang hrangah hnam thinlung pu chunga beih a ngai a ni a ti a, zirlaite chu tum mumal tak nei chunga zir tura chahin zirlai nu leh pa te chu an fate zirna ngaivenpui leh zual turin a chah a, tlawmngai pawl hrang hrangte pawhin anmahni khua theuha zirna in te ngaihvena, zirtirtu an awm that leh that loh te leh school-in zirna a kalpui dan te bihchianpui \hin turin a sawm a ni.
Kum 30 hma lama a lo chen \hinna khua Khawbungah hian Minister Pu Lalchhandama Ralte hi khawtlang mipuiten Zawlbuk kawt zawlah an chawimawi a ni. Minister hi MLA pahnih Pu Ramthanmawia leh Pu C Lalmuanpuia ten an \awiawm a ni.
