Bairabi South YMA President, Pu Lalnunkima hnen atanga Zonet thudawn danin, Pi Zobeli hi rilru lama harsatna deuh nei a ni a, a bo ni hian a chenpuite hriat loh hlanin a chhuak a, zanah pawh a lo haw loh avangin chhungkhat hnaite an zawng a, an hmuh mai loh avangin Thawhlehni atanga Ningani thleng khan YMA leh VC kaihhruainain zawn chhunzawm a ni a. Vawiin atang khan Bairabi Jt. YMA kaihhruainain khawtlangin an zawng a, an khaw thenawma Meidum Br. YMA pawhin an zawnpui a ni. Bairabi South YMA President chuan, Mizo danah mibo hi ni 7 chhung zawn phawt a nih tur thu leh hemi hnu hian engtia tih zui zel tur nge tih ngaihtuah a nih tur thu a sawi.
