Maharastra atanga Mizoram rawn pan zinga Lawngtlai District mi 142 ten tukin zing dar 2:30 khan Lawngtlai an thleng a. Quarantine Centre hrang hrangah dahluh nghal an ni.

0
135
views

Maharashtra a mite rual hian Kolkatta atanga haw mi 5 leh Delhi atanga haw mi 2 te an tel a, Lawngtlai an thlen hian an hriselna endik a nih hnuah Khunghranna hmun Centre hrang hrangah dahluh nghal an ni.

Lawngtlai District chhungah Quarantine Centre a hman mek ah, lo awmsa te an tawt tawh avangin Kohhran 13 chuan an hmun hmate Quarantine Centre a hman an rem ti a, tukina thleng tharte hi heng hmunah te hian dahluh an ni. Lawngtlai thleng tharte zingah hian an hriselna enzui ngai mi 6 te chu Covid Care Centre ah dah an ni.

Tun dinhmunah Lawngtlai District chhunga Quarantine centre 17 ah mi 704 enkawl mek an ni a. In lama khung hran Home Quarantine mi 41 an awm mek bawk a ni.