Bairabi Zophai hmuna MZP-in Zofate chawlhbûk sak a tum tuma Assam Police kut tuar Mizo Journalist 8-te chu vawiin khan MZP-in an thla a hual sak

0
238
views

Kumin March ni 8 leh ni 10-a Bairabi Zophai hmuna MZP-in Zofate chawlhb<k sak a tum \uma Assam Police kut tuar Mizo Journalist 8-te chu vawiin khan MZP-in an thla a hual sak. Hemi puala inkhawm MZP Pisa puia neih hi MZP Vice President, Vanlaltana’n a kaihruai a. An President, L. Ramdinliana Renthlei chuan Zofate Chawlhbuk sa tura hma a laknaah MZP chu a dinna ngaia a la din reng thu leh engtik niah emaw chuan Zofate chawlhbuk hi sak ngei an la tum thu a sawi. Tunhnaia Assam hotute nen an inbiaknaah chawlhbuk sak an duh a nih chuan Zophai chu Mizoram ti kher lova sak an remtih thu an hrilh nia sawiin, hei hi an pawm loh thu leh Zophai chu Mizoram chhung ngei a ni tih chu MZP pawm dan a nih thu a sawi bawk. L. Ramdinliana Renthlei chuan, Pu Ch. Chhunga nupui Pi Lalrothangi’n Zophai hmuna ram a p>ka Zofate Chawlhb<k sa tur hian MZP chuan an thiamna leh theihna zawng zawng an hman thu leh hemi atan hian kum 2016 February ni 10 a\ang daih tawh khan ruahmanna an lo siam \an tawh thu sawiin, tunhnaia Chawlhbuk sak an tumnaah Assam Police \hahnem takin an hual chunga Mizoram Police hmel hmuh tur a awm ve loh avangin an chanchin ngaihvena kal awm chhun, Mizo Journalist-te chuan an thla an timuang hle tih a sawi a, Assam Police kut an tawrh hnu-ah an thlavang hauh tura thuneitute an ngenna-in awmzia a nei lo chuan an rilru a tina hle tih L. Ramdinliana Renthlei chuan a sawi. MZP President chuan, ramri chungchangah pawl hrang hrangin hma la \hin bawk mah se, a tawp khawka hma la theitu tak tak chu sorkar a ni tih sawiin, tuna Mizoramin a mamawh ber chu a taka ram leh hnam humhalh ngam hruaitu neih a ni tih a sawi.

MJA Vice President, Pu Zonunsanga Khiangte pawhin, MZP-in ramri chungchangah mipui leh sorkar muthlu a kaitho chu thil \ha tak a nih thu leh an hmalakna zara sorkar laipui hotute nen ramri dinhmun hial enfiah a ni chu thil lawmawm tak a nih thu a sawi. Pu Zonunsanga Khiangte chuan, Journalist-te chu thil thlenna hmun apiangah thil awmdan enfiah tura kal \hin an nih thu leh hetiang hmunah hian vanduaina tawk pawh an lo awm tawh \hin thu a sawi a. Hetiang a nih laia kumin March ni 8 leh ni 10-a Zophai hmuna Mizo Journalist-te kutthlak an nih dan erawh a danglam bik hle nia sawiin, Journalist an ni tih an hriattir chunga hmeichhiate nen lam kut an thlak chu an lawm lo hle tih sawiin, hemi chungchang hi sorkar laipuia thuneitu sang lamah thlen tawh niin, an tawrhna chuan rah \ha a chhuah ngei an beisei tih a sawi. Vawiina MZP-in Mizo Journalist thla a hualsakte hi Jospeh Lalnuntluanga Zonet, Malsawmdawngzela Hrahsel Vanglaini, Zohmingmawia The Aizawl Post, H. Vanlalnghaka Kolasib DDK Stringer, Zomuanpuia Tlau Zing\ian Kolasib, R. Lalnunmawia Duhlai Kolasib, C. Lalthansangi AIR leh Embassy Lawbei News 18-te an ni a. Heng mite hnenah hian MZP chuan tawlhloh puan an hlan a ni.